Áríðandi tilkynning

Það rignir yfir mig fyrirspurnum um hvernig menn skuli bera sig að með að skrá sig í haustferðirnar til Sýrlands/Líbanons í byrjun september og Jemen/Jórdaníu frá 28.sept. og er því einfaldlega til að svara að menn senda mér tölvupóst með nafni, kennitölu, símanúmeri og heimilisfangi. Látið endilega netfang fylgja. Svo verðum við í sambandi þegar líða tekur á vorið til að hnýta lausa enda, ákveða með greiðslur og þess háttar. Það er tekið á móti pöntunum í báðar ferðirnar til maíloka en þá má vænta að eftir það verði ekki hægt að bæta við

Skráning í ferðir

Allmargar fyrirspurnir hafa borist um hvenær dagsetning verði tilbúin á ferð til Egyptalands í mars 2005. Því er til að svara að það verður naumast fyrr en síðla maí en vonandi ekki síðar.
Áhugasamir ferðalangar sem hafa hug á ferðum til Sýrlands/Líbanons og Jemen/Jórdaníu vorið 2005 hafa sömuleiðis haft samband til að forvitnast um hvenær dagsetningar verði birtar á vorferðir 2005. Að öllum líkindum verða þær ekki birtar fyrr en síðsumars. En sendið endilega póst með fyrirspurnum og upplýsingar verða birtar hér á síðunni jafnskjótt og þær eru tilbúnar.

Nýjar ferðir!

Skráning er hafin í eftirtaldar ferðir:
Líbanon og Sýrland 3.-18. sept 2004
Jórdaníu og Jemen 28.sept - 15.okt. 2004

Nánari upplýsingar síðar!